ARSENAL YAKIRI ILIMSAJILI GIROUD KUZIBA PENGO LA VAN PERSIE.

KLABU ya Arsenal imeweka wazi kuwa walimsajili Olivier Giroud ili kuziba pengo la mshambuliaji wa timu hiyo Robin van Persie ambaye yuko mbioni kuondoka klabuni hapo. Giroud ambaye ni mshambuliaji wa kimataifa wa Ufaransa, alijiunga na Arsenal akitokea klabu ya Montpellier kwa ada ya paundi milioni 13 baada pia y kumsajili kiungo mshambuliaji wa kimataifa wa Ujerumani Lukas Podolski. Meneja wa klabu hiyo Arsene Wenger ameonyesha bado ana matumaini na kumbakisha Van Persie klabuni hapo ingawa nahodha huyo ameshaweka wazi kwamba hawezi kusaini mkataba mwingine mpya mwishoni mwa msimu ujao. Klabu za Manchester United na Manchester City zimeonyesha nia ya kumsajili mchezaji huyo huku klabu ya Juventus ya Italia na Barcelona nazo zikiwa zinamnyemelea mchezaji huyo.