Waislam jijini Dar es Salaam wameandamana katika maeneo ya Posta
kushinikiza kuachiliwa huru kwa katibu wa jumuiya na taasisi za kiislamu
nchini, Sheikh Ponda Issa Ponda.
Jeshi la polisi limekabiliana na kundi la waislamu hao ambalo
liliibuka muda mchache baada ya swala ya mchana na kusababisha polisi
kutumia mabomu ya machozi kuwatawanya.
Hali hiyo imesababisha maduka yaliyo jirani na maeneo hayo kufungwa.
Polisi walimkamata Sheikh Ponda kwa madai ya uchochezi wa kidini na uvunjifu wa amani.
Kamanda kanda maalumu ya Dar es Salaam Suleiman Kova alitoa taarifa hiyo leo katika mazungumzo na waandishi wa habari.
Vurugu za ZanzibarKamanda Kova amesema Sheikh Ponda amekuwa akihamasisha maandamano yasiyo halali pamoja na kuchochea chuki na vurugu kupitia taasisi na jumuiya za kiislamu ambazo hazifuati sheria.
Ametaja tukio la kuvunjwa makanisa Mbagala Dar es Salaam Oktoba 12
kuwa nalo lilihamasishwa na sheikh huyo na wafuasi wake licha ya jeshi
la polisi kuwa lilikuwa likifuatilia tukio lisilo la kimaadili.
Gari la polisi likifanya doria maeneo ya Darajani Zanzibar
Madai mengine yaliyotajwa kuwa ya kichochezi na jeshi la polisi ni
pamoja na kauli ya ponda ya jana ya kuipa serikali siku saba iwaachie
watuhumiwa waliochoma makanisa na kufikishwa mahakamani mapema jana
jumanne.
Wakati huo huo huko Zanzibar kumetokea vurugu kubwa ya waislam baada ya Kiongozi wa kundi la Uamsho Sheikh Farid kutekwa.
Fujo za Zanzibar
Kwa mujubu wa vyanzo, Katibu wake, Abdallah Said Ally, amesema
alikuwa na dereva wake maeneo ya Michenzani akitokea nyumbani kwake
Mbuyuni, ndipo akakutana na gari moja ambalo dereva halifahamu na
akashuka mwenyewe kwenye gari lake na kuingia katika hilo gari na
kuanzia hapo hadi sasa hajulikani alipo.
Katibu huyo wa Uamsho na wenzake wamekuwa katika juhudi za kutuliza
jazba za wafuasi wao na sasa wanawasiliana na polisi kujua alipo
kiongozi wao.
Sheikh Farid ‘amepotea’ muda ule ule ambao inadaiwa mwenzake (Sheikh Ponda) alikamatwa (saa 5 usiku wa kuamkia leo).
