Waandishi
wa Habari wakiwa na mkuu wa Mkoa wa Iringa, Dkt.hristine Ishengoma (wa
tatu kati kati waliokaa) Chuo kikuu cha ruaha Manispaa ya Iringa.
Na Hakimu Mwafongo
SENSA
ya watu na makazi ni zaidi ya kuhesabu watu bali ni bali ni utaratibu
wa kukusanya, kuchambua, kutathimini na kusambaza takwimu za
kijiografia, kiuchumi na kijamii kuhusiana na watu wote na makazi yao
kwa kipindi maalumu.
Akizungumza
na waandishi wa habari, Mkuu wa mkoa wa Iringa, Dkt. Christine
Ishengoma kwenye semina ya waandishi wa habari wa mikoa ya nyanda za juu
kusini ya Iringa, Mbeya, Ruvuma, Rukwa, Katavi, Njombe, Lindi na Mtwara
yanayofanyika kwenye ukumbi wa mikutano wa Chuo kikuu cha Ruaha
Manispaa ya Iringa.
“Sensa
haina maana kuhesabu watu tu bali mambo mengi yakiwemo ukusanyaji wa
taarifa mbalimbali zikiwemo za kiuchumi na kijamii katika kuharakisha
maendeleo ya wananchi”, alisema.
Alisema
zoezi hilo lina lengo la kupata idadi ya watu wote katika nchi, kwa
umri na jinsi, mahali wanapoishi, hali yao ya kielimu, hali ya ajira,
hali ya vizazi na vifo na hali ya makazi.
Dkt.
Ishengoma alisema taarifa hizo zitatumika kusaidia kutathimini Dira ya
maendeleo ya mwa 2025, Zanzibar 2020, Mkakati wa Kupunguza na Kukuza
Uchumi Tanzania (MKAKATI) na Malengo ya Milenia (MGDs).
Aidha
Mwanasheria kutoka Taasisi ya Takwimu Tanzania, Osea Mangula
alitahadharisha mtu au kundi la watu linalotaka kukwamisha zoezi la
sensa kuwa watachukuliwa hataua za kisheria ikiwemo kushitakiwa na
Jamhuri.
Mkuu
wa wilaya ya Iringa, Dkt. Leticia Warioba aliwataka watanzania
kuwashirikisha wenye ulemavu na vikongwe wote pasipo kuwaficha majumbani
mwao.
