Upepo wa habari za chini ya kapeti umemgeukia Miss Jokate
Mwegelo, mrembo namba 2 kwenye Shindano la Miss Tanzania 2006, nyuma ya mshindi
Wema Sepetu aliyevaa taji kuwa msichana huyo havumi lakini yumo kwenye msafara
wa matukio ya kimapenzi.
Mitandao mingi ya kijamii hivi karibuni imemfumua Jokate
kuwa ni simba mwenda kimya mawindoni kufuatia msanii wa muziki wa kizazi kipya,
Naseeb Abdul ‘Diamond’ kuutangazia umma kuwa anatoka na mrembo huyo.
Siku chache zilizopita, Wema Sepetu ambaye alikuwa mchumba
wa Diamond kabla hajabwaga manyanga alilalama kwenye vyombo vya habari kuwa
Jokate ameingilia penzi lake kwa msanii huyo, tuhuma ambazo miss huyo namba 2
aliziruka kwa kusema anasingiziwa.
“Si alikuwa anakanusha, sasa yako wapi?” Jane Swai, mchangiaji
wa blogu (jina kapuni) alihoji wakati akitoa maoni yake kuhusu habari ya
Diamond kutangaza rasmi kuwa ana uhusiano wa kimapenzi na msichana huyo mwenye
kidoti cheusi usoni na kwamba haoni mwingine wa kumpa penzi lake.
Wakati Jokate akisakamwa kwenye mitandao, Uswahilini nako
hali si shwari ambapo dodoso nyingi zisizokuwa na uthibitisho wa kutosha
zimekuwa zikitolewa kwamba mwanadada huyo kabla ‘kudeti’ na Diamond ameshatoka
na msururu wa wanaume wengine.
Wachache kati ya wanaume wanaotajwa mitaani na ambao Jokate
amekuwa akikanusha vikali kutoka nao kama alivyokuwa akikana kwa Diamond ni
Hashim Thabeet, Hamis Mwinjuma ‘Mwana FA’ na Ambwene Yesaya ‘AY.’
“Jokate ni msiri lakini ameshatoka na (anawataja mastaa hao
waliopo paragrafu ya juu) na hata …(anamtaja
kijana mmoja ambaye baba yake ana wadhifa mkubwa serikalini) naye ametembea
naye, hata mzee… (anamtaja mfanyabiashara maarufu nchini) ameshapita, ni vema
awe wazi kuna siku ataumbuka,” alidai Julieth John, mwanamitindo anayefanya
shughuli zake jijini Dar es Salaam.
Siku chache tangu Diamond aanike kile kilichokuwa kikifichwa
kati yake na miss huyo namba 2, mchumba wake wa zamani, Wema alitoa kauli hii:
“Niliposema watu waliniona mjinga lakini sasa Jokate kaumbuka.”
Jokate kwa upande
wake amekuwa kimya.
