MESSI, RONALDO NDIYO WACHEZAJI BORA DUNIANI KWASASA - CASILLAS.

NAHODHA wa timu ya taifa ya Hispania na klabu ya Real Madrid, Iker Casillas amewataja Lionel Messi na Cristiano Ronaldo kwamba ndio wachezaji bora duniani kwasasa. Golikipa huyo nyota alikataa kuchagua mchezaji mojawapo kati ya Messi au Ronaldo ingawa amesema kuwa kama ikimlazimu kufanya hivyo atamchagua Mreno Ronaldo kwakuwa ndiye anayemfahamu zaidi kutokana na kucheza timu moja. Casillas aliendelea kusema kuwa ni ngumu kuchagua mchezaji bora kati ya hao wawili kutokana na ukweli kwamba wote wana uwezo wa hali ya juu. Kauli ya Casillas imekuja wakati akihojiwa na luninga moja nchini Mexico ambako walikwenda kwa ajili ya mchezo wa kirafiki wa kimataifa dhidi ya Puerto Rico Jumatano iliyopita ambapo walishinda mabao 2-1.