Wapenzi wa soka,
Naandika nikiwa Barcelona. Leo Italy na Spain wanacheza fainali za EURO. Naamini, mechi hii ni ngumu sana kutabirika. Kwanini?
Italy
na Spain walishakutana kwenye mechi za makundi kwenye Euro hii. Na
matokeo yakawa 1-1. Ilikuwa mechi ngumu na timu zilikuwa na nguvu sawa.
Kama ningetabiri matokeo ya leo, basi, ningesema itakuwa droo. Lakini,
leo ni fainali na timu moja lazima ibebe kombe.
Ikumbukwe,
Spain imeingia fainali bila kuwa na wafungaji wa kuaminika ambao
wamepachika mabao 8. Tukumbuke pia kati ya mabao hayo 8, manne
yalipatikana katika mechi moja dhidi ya Irland. Na imekuwa na wafungaji
watano tofauti. Hakuna hata mchezaji mmoja wa Spain aliyefunga mabao
zaidi ya mawili katika mashindano haya. Hivyo, Spain haina mshambuliaji
wanayemuamini zaidi katika kufunga mabao.
Katika
fainali zilizopita za Kombe la Dunia Spain waliwekeza zaidi kwa David
Villa ambaye alifunga mabao matano katika fainali zile.
Mwaka
huu, tunaweza kabisa kusema, kuwa kinachokosekana zaidi kwa Spain ni
mshambuliaji wa kuaminika katika kufunga mabao. Spain imemchezesha mbele
Cesc Fabregas katika mechi za Euro lakini amefunga mabao mawili tu.
Kwa
ukweli kabisa, Fabregas ni kiungo na si mshambuliaji. Na nadhani cha
akili kabisa anachoweza kukifanya kocha Del Bosque usiku huu ni kumpanga
mshambuliaji kama Torres au Negredo.
Italy
wamefanya vema hadi sasa. Wamekuwa na mechi ngumu kwa mfano
walipokutana na Kroatia, na mechi ile walitoka sare. Mfano mwingine
walipocheza na Uingereza , walishinda kwa penalti.
Nilikuwepo
uwanjani kuona mechi ya Italy dhidi ya Ujerumani. Ukweli sijawahi
kuwaona Italy wakicheza soka safi na kumiliki mpira kwa muda mrefu wa
mchezo.
Nilichokipenda
kwa Waitalia ni kuwa mara tu walipokamata mpira walipeleka mbele
mashambulizi. Na katika mechi yao ya leo dhidi ya Spain, Italy wana ‘
bunduki’ kali kabisa wanayoitegemea. Si nyingine, bali ni Mario
Balotelli ( Super Mario)
Na
huyu, kwa mtazamo wangu, ndiye anayeweza kuamua hatma ya mechi ya leo.
Ikumbukwe pia, Italy ndio timu pekee iliyopachika bao nyuma ya nyavu za
Spain katika Euro hii-
Na utabiri wangu wa leo ni huu; Italy itashinda na kutwaa Kombe kwa penalti. Na tusubiri tuone!
Olle, Barcelona.
