KATIKA
kuonesha jeuri ya fedha, Wema Isaac Sepetu amefanya kufuru kama kawaida
yake baada ya kumlowanisha mwili mzima kwa pombe za bei mbaya mrembo
aitwaye Rehema Kimbu.
Mrembo Wema Sepetu akimwogesha Rehema Kimbu kwa pombe.
Tukio hilo lililoshuhudiwa na mwanahabari wetu lilijiri nyumbani kwa
mwigizaji Aunt Ezekiel, Mwananyamala, Dar, Ijumaa iliyopita ambapo Wema
na Aunt walimfanyia ‘sapraizi’ ya birthday Rehema ambaye ilikuwa siku
yake ya kuzaliwa.
Katika hali ya kushangaza, Rehema ambaye ni shosti mkubwa wa Aunt
alishtukia anamwagiwa pombe mfululizo aina ya Gordon’s na Jack Daniels
huku mwigizaji Nice Chande akimmiminia chupa kubwa kadhaa za maji.
Muda mwingi Wema alikuwa akimmwagia Rehema pombe bila kushusha mkono. Kufuatia
kitendo hicho kilichoambatana na kelele nyingi za mastaa hao,
kilisababisha wapita njia kujazana getini kwa Aunt bila kujua
kilichokuwa kikiendelea na kudhani Rehema alikuwa akipokea kipigo.
