NILIKUWA NIMESHAZIBA PENGO LA VAN PERSIE - WENGER.

KOCHA wa klabu ya Arsenal, Arsene Wenger amesisitiza kuwa hatanunua mshambuliaji mwingine ili kuziba pengo la nahodha wake aliyeoondoka Robin van Persie. Klabu hiyo ilifikia makubaliano na klabu ya Manchester United juu ya uhamisho wa mchezo wa mchezaji kwa ada ya paundi milioni 24 lakini Wenger amesema kuwa tayari alishapata mbadala wa Van Persie wakati alipowasajili Oliver Giroud na Lukas Podolski. Wenger ambaye ni raia wa Ufaransa amekiri kuwa klabu hiyo ilikuwa haina jinsi zaidi ya kumuuza mshambuliaji huyo wa kimataifa wa Uholanzi ambaye alikuwa amebakisha mwaka mmoja. Kocha huyo amesema kuwa huwa inaumiza kumkosa mshambuliaji mwenye kiwango kama cha Van Persie lakini walikuwa hawana jinsi kwakuwa mshambuliajihuyo alikuwa amebakiza mwaka mmoja na hakutaka kusaini mkataba mwingine.