MSAANII wa filamu Elizabeth Michael [Lulu] ombi lake la
kutaka kwenda kuuaga mwili wa Kanumba limezuiliwa kwa kile kilichodaiwa
kisheria hawezi kufanya hivyo, Lulu amedai anataka kuthibitisha kama kweli
Kanumba amefariki ili anywe sumu apotee duniani. Elizabeth Michael maarufu kama
Lulu aliliomba jeshi la Polisi nchini wamuachie kwa dakika kadhaa kwenda kuuaga
mwili huo ili aweze kuhakiki kama ni kweli Kanumba amefariki dunia.
Lulu hadi sasa ni mtu pekee anayehusishwa na kifo cha
Kanumba kwa kuwa dakika chache kabla ya kifo hicho alikuwa na marehemu nyumbani
kwake Vatican Sinza jijini Dar es Salaam.
Lulu anawaomba Watanzania msamaha kwa kuhusishwa na kifo
hicho na haelewi ilikuwa vipi hadi Kanumba amepoteza maisha kitendo ambacho
kinamsikitisha na kumkosesha raha.
lulu ameomba apewe muda wa kuthibisha kweli Kanumba
amefariki dunia na ili na yeye anywe kunywa sumu ili apoteee duniani hapa.
Hadi sasa Lulu anaendelea kushikiliwa na polisi kituo cha
polisi cha Oysterbay.
Jana jopo la madaktari lilianza kuuchunguza mwili wa
aliyekuwa mcheza filamu maarufu nchini, Steven Kanumba, kwa lengo la kubaini
sababu zilizosababisha kifo chake kilichotokea Jumamosi iliyopita majira ya
alfajiri akiwa nyumbani kwake Sinza jijini Dar es Salaam.
Akizungumza na waandishi wa habari jijini Dar es Salaam
jana, Kamanda wa Polisi Mkoa wa Kinondoni, Charles Kenyela, alisema taarifa
kuhusiana na uchunguzi huo itatolewa na madaktari baada ya kukamilika.
