Wiki kadhaa zilizopita tuliandika habari kuhusu mpango wa Justin Bieber kupiga show za bure kama surprise kwa mashabiki wake. Well, Mexico jana wamefaidi ofa hiyo kutoka kwa kijana huyo mwenye mashabiki lukuki duniani hasa wenye umri mdogo kama yeye.
Takriban umati wa watu 200,000 nchini Mexico jana usiku umeshuhudia show ya Bieber kwa kiingilio cha miguu yao tu.
Show hiyo ya bure na ya wazi imefanyika Mexico City katika uwanja wa kihistoria wa Zocalo.
Nchini Mexico, mashabiki wake walianza kulala mtaani kwa siku kadhaa kuhakikisha kuwa wanapata nafasi kushuhudia show yake.
Bieber alifungua show kwa kuimba wimbo wake “Baby,” wakati mashabiki wake wakiuimba wimbo huo kumfuata na kushout “Justin! Justin! Justin!”
“Mexico City, kuna watu wengi leo!” Bieber aliuambia umati huo. “Kila mmoja wenu ni shabiki wangu mkubwa.”
Umati ulipagawa baada ya Bieber kumpandisha juu shabiki wa kike na kumpa maua huku akimuimbia sikioni wimbo wake “One Less Lonely Girl. Msichana huyo alishindwa kujizuia kulia.
Watu wengine 120,000 wameangalia show hiyo kwenye screen kubwa zilizokuwa zimewekwa kwenye mitaa ya jirani.
Zaidi ya polisi 5,000 walikuwa kazini kuangalia usalama wa raia ili kuepusha tukio kama la Oslo nchini Norway ambapo 40 waliumia kwenye show yake nyingine ya bure.
ordpress
