ARSENAL YAMNYATIA DROGB

KLABU ya Arsenal ya Uingereza inapanga kumnyakuwa mshambuliaji wa kimataifa wa Ivory Coast Didier Drogba ambaye anacheza katika klabu ya Shanghai Shenhua ya China. Arsenal ambao wanatafuta mshambuliaji ambaye anaweza kuziba pengo la Robin van Persie tayari wameshaanza mazungumzo ya kuangalia uwezekano wa kumrejesha Drogba mwenye umri wa miaka 34 jijini London. Klabu hiyo inajua kuwa ndani ya klabu ya Shanghai kuna matatizo ya kifedha na kuwafanya Drogba na mwenzake Nicolas Anelka kutaka kuondoka katika klabu hiyo ambayo iliwaahidi mamilioni ya fedha. Drogba ambaye anakadiriwa kulipwa kiasi cha paundi 200,000 kwa wiki, pia alikuwa akinyemelewa na klabu ya Liverpool pamoja na Real Madrid. Kwasasa klabu ya Arsenal imekuwa ikifanya juhudi za kumbakisha winga wake nyota Theo Walcott mwenye umri wa miaka 23 ambaye amekuwa akinyemelewa na klabu ya Juventus ya Italia.