Rais wa Zanzibar na Mwenyekiti wa Baraza la Mapinduzi Dkt Ali Mohamed
Shein ,amefanya uteuzi wa Wenyeviti wa Bodi mbali mbali katika Wizara ya
Ardhi,Makaazi,Maji na Nishati,Zanzibar.
Dkt
Shein amemteuwa Ashrak Mahmoud Hamid kuwa Mwenyekiti wa Bodi ya
Usajili,Wasanifu,Wahandisi na Wakadiriaji Ujenzi,Zanzibar. Kwa mujibu wa
taarifa iliotolewa na Katibu wa Baraza la Mapinduzi na
Katibu Mkuu Kiongozi,Dkt Abdulhamid Yahya Mzee amesema kuwa uteuzi huo
wa Rais
ameufanya kwa mujibu wa uwezo aliopewa chini ya kifungu cha 4(1)(a)
cha Sheria
ya Bodi ya Wakandarasi Namba 5 ya mwaka 2008.
Aidha Dkt Shein amemteuwa Rama Keis Mgeni kuwa Mwenyekiti wa Bodi ya
Wakandarasi, Zanzibar.Rais amefanya uteuzi huo kwa mujibu wa uwezo aliopewa chini ya kifungu cha
5(1)(a) cha Sheria ya Bodi ya Wakandarasi Namba 6 ya mwaka 2008.
Uteuzi huo umeanza jana tarehe 12/12/2012.
IMETOLEWA NA IDARA YA HABARI MAELEZO ZANZIBAR
