OSCAR KUFANYIWA VIPIMO CHELSEA.

Oscar

KIUNGO wa kimataifa wa Brazil, Oscar amesema kuwa anatakiwa kufanyiwa vipimo vya afya na klabu ya Chelsea ya Uingereza lakini atasubiria mpaka baada ya michuano ya Olimpiki kumalizika ili kuamua hatma yake. Kiungo huyo wa klabu ya Internacional ya Brazil mwenye miaka 20 kumekuwa na tetesi kuwa klabu hiyo imemuuza kwa ada ya paundi milioni 25. Lakini baada ya mchezo wa kirafiki ambao Brazil ilishinda mabao 2-0 dhidi ya timu ya kombaini ya Uingereza, Oscar amesema kuwa bado hajakubali kutua Chelsea ambayo ina maskani yake katika Uwanja wa Stamford Bridge. Oscar amesema kuwa wachezaji wengi wa Brazil huwa wana ndoto nay eye kama wenzake wengine naye ana ndoto za kucheza Ulaya na Ligi Kuu nchini Uingereza lakini suala hilo itabidi nilitolee maamuzi baada ya michuano ya olimpiki. Fainali ya michuano ya olimpiki inatarajiwa kuchezwa Jumamosi Agosti 11 mwaka huu.