WILSHERE KUPEWA JEZI NAMBA 10.

KIUNGO wa kimataifa wa Uingereza na klabu ya Arsenal Jack Wilshere anatarajiwa kupewa jezi namba 10 ambayo alikuwa akivaa mshambuliaji nyota wa klabu hiyo aliyehamia Manchester United, Robin van Persie. Wilshere amekuwa nje uwanja kwa kipindi cha miezi zaidi ya 12 kutokana na majeraha yanayomsumbua atapewa jezi hiyo ambayo mbali na kuvaliwa na Van Persie lakini pia imewahi kuvaliwa na nyota wa kimataifa wa Uholanzi Dennis Bergkamp. Kiungo huyo anaelekea kupona kutokana na maumivu ya kifundo cha mguu ambayo yamemsumbua kwa kipindi kirefu sasa na anatarajiwa kurejea dimbani Octoba mwaka huu. Kwa upande mwingine meneja wa klabu hiyo Arsene Wenger amesikitishwa na kitendo cha kumuuza mchezaji huyo ambaye pia alikuwa nahodha wake kwa mahasimu wao United na kukiri kuwa afadhali angemuuza sehemu nyingine lakini sio Uingereza.